Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

65 illik yubiley münasibətilə tədbir

Elm və Təhsil İşçiləri Həmkarlar İttifaqı Ağdam Rayon Komitəsinin təşkilatçılığı ilə Ağdam rayon Səfərli kənd tam orta ümumtəhsil məktəbinin uzun illər pedaqoji fəaliyyət göstərən müəllimi Cəfərov Məzahir Sabir oğlunun 65 illik yubileyi münasibətilə tədbir keçirilib.

Tədbirdə çıxış edənlər Məzahir müəllimin təhsil sahəsindəki çoxillik səmərəli fəaliyyətindən, şagirdlərin savadlı və vətənpərvər ruhda formalaşmasında göstərdiyi xidmətlərdən danışaraq onun kollektiv və ictimaiyyət arasında böyük hörmət qazandığını vurğulayıblar. Bildirilib ki, Məzahir müəllimin zəngin pedaqoji təcrübəsi və müəllim peşəsinə olan sədaqəti gənc nəslin yetişməsində mühüm əhəmiyyət daşıyır.

Yubiley münasibətilə Cəfərov Məzahir Sabir oğlu Elm və Təhsil İşçiləri Həmkarlar İttifaqı Ağdam Rayon Komitəsi tərəfindən fəxri fərman və xatirə hədiyyəsi ilə təltif olunub.

Sonda yubilyara möhkəm can sağlığı, uzun ömür, ailə xoşbəxtliyi və gələcək həyatında uğurlar arzulanıb.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Ağdam təhsil işçilərinin ənənəvi sentyabr konfransı keçirilib

Bu gün Ağdam rayonunda təhsil işçilərinin ənənəvi sentyabr konfransının ilk günü keçirilib.

Konfrans başlamazdan əvvəl Azərbaycan Respublikasının Dövlət Himni səsləndirilib, Azərbaycanın ərazi bütövlüyü və suverenliyi uğrunda canından keçmiş şəhidlərimizin, o cümlədən şəhid müəllimlərimizin əziz xatirəsi bir dəqiqəlik sükutla yad edilib.

Konfrans çərçivəsində ötən tədris ilinin nəticələri təhlil olunub, yeni tədris ili üçün qarşıda duran əsas hədəflər və prioritet istiqamətlər müəyyənləşdirilib. Çıxışlarda təhsilin keyfiyyətinin yüksəldilməsi, müəllimlərin peşəkar inkişafının dəstəklənməsi, şagirdlərin fərdi ehtiyaclarının nəzərə alınması və məktəb–valideyn əməkdaşlığının daha da gücləndirilməsinin vacibliyi vurğulanıb.

Həmçinin hər bir məktəbin qarşılaşdığı problemlərin ayrıca təhlil olunmasının, mövcud vəziyyətə uyğun konkret və səmərəli həll yollarının müəyyənləşdirilməsinin əhəmiyyəti qeyd edilib.

Qeyd edək ki, konfrans iki gün davam edəcək. İkinci gün ayrı-ayrı fənlər üzrə panel müzakirələrinin keçirilməsi nəzərdə tutulur.

65 İllik Şərəfli Ömür Yolu

Elm və Təhsil İşçiləri Həmkarlar İttifaqı Ağdam Rayon Komitəsi tərəfindən Ağdam rayon Ələsgər Quliyev adına Birinci Sarıcalı kənd tam orta ümumtəhsil məktəbinin uzunillik pedaqoji fəaliyyət göstərən müəllimi Məmmədov Musa Əmirxan oğlunun 65 illik yubileyi münasibətilə görüş keçirilib.

Tədbirdə çıxış edənlər Musa müəllimin təhsil sahəsində göstərdiyi səmərəli fəaliyyətindən, şagirdlərin bilik və tərbiyəsindəki xidmətlərindən, kollektiv arasında qazandığı böyük hörmət və nüfuzdan bəhs ediblər. Qeyd olunub ki, onun illərlə təhsil sahəsinə verdiyi töhfələr gənc nəslin formalaşmasında mühüm rol oynayıb.

Yubiley münasibətilə Məmmədov Musa Əmirxan oğlu Elm və Təhsil İşçiləri Həmkarlar İttifaqı Ağdam Rayon Komitəsi tərəfindən fəxri fərman, və qiymətli hədiyyə ilə təltif olunub.

Sonda yubilyara möhkəm can sağlığı, uzun ömür, ailə səadəti və gələcək fəaliyyətində yeni uğurlar arzulanıb.

Ağdam rayonunda müəllimlərin 65 illik yubileyi qeyd olunub.

Ağdam rayonu Hafiz Əsgərov adına Quzanlı qəsəbə tam orta ümumtəhsil məktəbinin müəllimi Hüseynova Tərlan Səməd qızının və həmin məktəbin hərbi rəhbəri İsmayılov Fəxrəddin Sahib oğlunun 65 yaşı tamam olması münasibətilə tədbir keçirilib.

Tədbir zamanı Elm və Təhsil İşçiləri Həmkarlar İttifaqı Ağdam Rayon Komitəsi tərəfindən səmərəli pedaqoji fəaliyyətinə görə müəllimlərə gül buketi, fəxri fərman və hədiyyələr təqdim olunub.

Çıxış edənlər yubilyarları əlamətdar gün münasibətilə təbrik edib, onlara möhkəm cansağlığı, uzun ömür və gələcək fəaliyyətində uğurlar arzulayıblar.

Doğum gününüz mübarək, Mehriban xanım Əliyeva

Bu gün Azərbaycanın Birinci vitse-prezidenti, UNESCO-nun xoşməramlı səfiri, Heydər Əliyev Fondunun prezidenti Mehriban Əliyevanın doğum günüdür. 

Bu əlamətdar gün münasibətilə Mehriban xanım Əliyevaya möhkəm cansağlığı, uzun ömür və fəaliyyətində yeni uğurlar arzuluyuruq.

Zaqatalanın füsunkar guşələrinə kollektiv ekskursiya

Ağdam rayonu Ziyəddin İsgəndərov adına Çəmənli kənd tam orta ümumtəhsil məktəbinin kollektivi üçün Zaqatala rayonuna maraqlı və yaddaqalan ekskursiya təşkil olunub. Ekskursiyanın əsas məqsədi təhsil işçilərinin asudə vaxtının səmərəli təşkili, onların mənəvi-psixoloji rahatlığının dəstəklənməsi, kollektiv üzvləri arasında qarşılıqlı əməkdaşlıq və həmrəylik münasibətlərinin daha da möhkəmləndirilməsi olub.

Səfər zamanı iştirakçılar Zaqatalanın zəngin təbiəti, saf havası və gözoxşayan mənzərələri ilə yaxından tanış olub, birlikdə maraqlı vaxt keçirərək xoş və unudulmaz anlar yaşayıblar. Səmimi söhbətlər, mehriban ünsiyyət və yüksək əhval-ruhiyyə ekskursiyanı hər bir iştirakçı üçün yadda qalan tədbirə çevirib.

ETİHİ Ağdam Rayon Komitəsi təhsil işçilərinin sosial rifahının yaxşılaşdırılması, onların asudə vaxtının səmərəli təşkili və kollektiv ruhunun gücləndirilməsi istiqamətində bu kimi tədbirlərin keçirilməsini daim diqqət mərkəzində saxlayır. Belə təşəbbüslər həm əməkdaşlar arasında dostluq münasibətlərinin inkişafına, həm də onların iş fəaliyyətinə müsbət motivasiya qazandırılmasına mühüm töhfə verir.

Ümid edirik ki, bu cür ekskursiyalar və sosial layihələr gələcəkdə də davam etdiriləcək, təhsil işçilərinin birliyi və həmrəyliyi daha da möhkəmlənəcək.

Təhsil işçilərinin İsmayıllıya təşkil olunan kollektiv səfəri

Elm və Təhsil İşçiləri Həmkarlar İttifaqı Ağdam Rayon Komitəsinin təşkilatçılığı ilə Ağdam rayonu Əhməd Allahverdiyev adına Alıbəyli kənd tam orta ümumtəhsil məktəbinin kollektivi İsmayıllı rayonuna ekskursiya ediblər. Ekskursiyanın məqsədi təhsil işçilərinin asudə vaxtlarının səmərəli təşkili, kollektiv üzvləri arasında qarşılıqlı ünsiyyətin və əməkdaşlıq münasibətlərinin daha da möhkəmləndirilməsi olub.

Səfər iştirakçıları İsmayıllı rayonunun, Lahıc qəsəbəsinin tarixi və mədəni abidələri ilə yaxından tanış olub, şəhərin zəngin mədəni irsi haqqında məlumat əldə ediblər. Gəzinti kollektiv üzvlərinə xoş təəssüratlar bəxş edib, onların istirahətinin səmərəli təşkilinə və komanda ruhunun güclənməsinə töhfə verib.

Belə tədbirlər təhsil işçilərinin sosial rifahının yüksəldilməsinə, kollektiv daxilində həmrəyliyin möhkəmlənməsinə və iş motivasiyasının artırılmasına xidmət edir. Ekskursiya iştirakçıları yaradılan şəraitə və göstərilən diqqətə görə təşkilatçılara minnətdarlıqlarını bildiriblər.

İsmayıllı və Lahıc turu

Ağdam rayonu 111 nömrəli tam orta ümumtəhsil məktəbinin kollektivi üçün İsmayıllı rayonuna və Lahıc qəsəbəsinə maraqlı və yaddaqalan ekskursiya təşkil olunub. Ekskursiyanın əsas məqsədi təhsil işçilərinin asudə vaxtının səmərəli təşkili, onların mənəvi-psixoloji rahatlığının dəstəklənməsi, kollektiv üzvləri arasında qarşılıqlı əməkdaşlıq və həmrəylik münasibətlərinin daha da möhkəmləndirilməsi olub.

Səfər zamanı iştirakçılar İsmayıllının zəngin təbiəti, saf havası və gözoxşayan mənzərələri ilə yaxından tanış olub, birlikdə maraqlı vaxt keçirərək xoş və unudulmaz anlar yaşayıblar. Səmimi söhbətlər, mehriban ünsiyyət və yüksək əhval-ruhiyyə ekskursiyanı hər bir iştirakçı üçün yadda qalan tədbirə çevirib.

ETİHİ Ağdam Rayon Komitəsi təhsil işçilərinin sosial rifahının yaxşılaşdırılması, onların asudə vaxtının səmərəli təşkili və kollektiv ruhunun gücləndirilməsi istiqamətində bu kimi tədbirlərin keçirilməsini daim diqqət mərkəzində saxlayır. Belə təşəbbüslər həm əməkdaşlar arasında dostluq münasibətlərinin inkişafına, həm də onların iş fəaliyyətinə müsbət motivasiya qazandırılmasına mühüm töhfə verir.

Ümid edirik ki, bu cür ekskursiyalar və sosial layihələr gələcəkdə də davam etdiriləcək, təhsil işçilərinin birliyi və həmrəyliyi daha da möhkəmlənəcək.

Qəbələ turu – Təhsil işçilərinin kollektiv ekskursiyası

Ağdam rayonu 135 nömrəli tam orta ümumtəhsil məktəbinin kollektivi Elm və Təhsil İşçiləri Həmkarlar İttifaqı ETİHİ Ağdam Rayon Komitəsinin dəstəyi ilə Qəbələ rayonuna mənalı və xoş istirahət günü keçirdilər.

İstirahət proqramı iştirakçılara gündəlik iş qayğılarından uzaqlaşaraq dincəlmək, həmkarlar arasında mehriban ünsiyyəti və kollektiv həmrəyliyi daha da möhkəmləndirmək imkanı yaratmışdır. Kollektiv üzvləri onlar üçün yaradılan yüksək səviyyəli şəraitə və göstərilən diqqətə görə Elm və Təhsil İşçiləri Həmkarlar İttifaqı Ağdam Rayon Komitəsinə səmimi minnətdarlıqlarını ifadə edərək, təhsil işçilərinin sosial rifahının və asudə vaxtının səmərəli təşkili istiqamətində həyata keçirilən bu cür təşəbbüslərin böyük əhəmiyyət daşıdığını vurğuladılar

İsmayıllıya yaddaqalan ekskursiya

Elm və Təhsil İşçiləri Həmkarlar İttifaqı Ağdam Rayon Komitəsinin təşkilatçılığı ilə Ağdam rayon Ə.Quliyev adına Birinci Sarıcalı kənd tam orta ümumtəhsil məktəbinin pedaqoji kollektivi üçün İsmayıllı rayonuna ekskursiya təşkil olundu.

Ekskursiyanın əsas məqsədi təhsil işçilərinin asudə vaxtının səmərəli təşkili, kollektiv daxilində həmrəyliyin və qarşılıqlı əməkdaşlığın möhkəmləndirilməsi, eyni zamanda iştirakçıların ölkəmizin füsunkar guşələrindən biri olan İsmayıllının təbii gözəllikləri və turizm imkanları ilə yaxından tanış olmalarına şərait yaratmaq idi.

Səfər zamanı iştirakçılar rayonun görməli və tarixi məkanlarını ziyarət edib, təbiətin gözəlliklərindən zövq alaraq xoş və yaddaqalan anlar yaşayıblar. Ekskursiya iştirakçıların böyük məmnuniyyəti ilə qarşılanıb və onların mənəvi istirahətinə, iş motivasiyasının yüksəlməsinə müsbət töhfə verib.

Elm və Təhsil İşçiləri Həmkarlar İttifaqı Ağdam Rayon Komitəsi bundan sonra da təhsil işçilərinin sosial rifahının yaxşılaşdırılması, asudə vaxtlarının səmərəli təşkili və onların mənəvi dəyərlərinin dəstəklənməsi istiqamətində müxtəlif layihə və tədbirlərin həyata keçirilməsini davam etdirəcək.